Ambasadori i ShBA-së në Kosovë, Jeffrey Hovenier, po merr pjesë në konferencën ndërkombëtare për Siguri Kibernetike “Cyber ZERO”.

Në fjalën e tij të rastit Hovenier tha se janë të përkushtuar në mbështetjen e mediave të pavarura e shoqërisë civile efikase.

Mes tjerash ai shtoi se  janë të përkushtuar që ta mbështesin Kosovën që të shfrytëzojë burimin e saj më të rëndësishëm, rininë.

“Ne kemi ndihmuar këtë konferencë sepse jemi të përkushtuar në mbështetjen e mediave të pavarura dhe shoqërisë civile efikase sepse konsiderojmë se liria e fjalës është e drejtë themelore dhe e domosdoshme për avancimin e demokracisë, sundimit të ligjit dhe prosperitetit ekonomik”, deklaroi Hovenier.

“Jemi të përkushtuar që ta mbështesim Kosovën që të shfrytëzojë burimin e saj më të rëndësishëm, të rinjtë e saj, duke përfshirë edhe ekspertizën e tyre në kibernetikë”, është shprehur Hovenier.

Ambasadori Hovenier tutje tha se këtë konferencë për herë të parë, para dy viteve e kanë mbështetur pasi arritën të shohin se akterë siç i quajti ai, dashakeq, po i targetonin gazetarët, etnitetet medaile e shoqërinë civile me shumë sulme kibernetike./arbresh.info/